НОВОСТИ | ЖАҢАЛЫҚТАР

«Ақтөбе жылу электр орталығы» АҚ - стратегиялық маңызды нысан.

вкл. .

«Ақтөбе жылу электр орталығы» АҚ қаланы жылу және электр энергиясымен қамтамасыз етіп отырған үлкен өндірістік стратегиялық маңызды мекеме бола тұра, төтенше жағдайда жұмысшыларының үздіксіз жұмыс жасауына барлық жағдай жасап, қауіпсіздігін қамтамасыз ету үшін көптеген іс-шаралар енгізді. Осы шараларды іске асыруға мекеменің кәсіподақ ұйымын басқаратын Жайбергенова Балауса Қанатқызы да атсалысты.
Компания басшылығы кәсіподақпен бірлесе отырып тиісті штаб құрды, іс-шаралар Жоспары әзірленіп, еңбекті қорғау және қауіпсіздік қызметіне дереу қоғамдық тәртіп пен нысанның күзету күшейтілді. 

Еңбекші әйелдер жөніндегі комиссиясы мүшілері қайырымдылық көмегін көрсетуде

вкл. .

Ақтөбе облысы Кәсіподақтар орталығы жанындағы Еңбекші әйелдер жөніндегі комиссиясы мүшілері мемлекеттік, банк мекемелері және қоғамдық  қызмет көрсету  қызметкерлері салалық кəсіподағының филиалымен бірлесе отырып 30 отбасыға әлеуметтік маңызы бар  азық-түлік пакеттерін таратты.
Кəсіподақ мүшелері аз қамтылған және мүгедектер, жалғызбасты және көп балалы аналарға қайырымдылық көмек көрсетті. Отбасыларға барып, пакеттерді табыстап, үйде болудың маңыздылығын түсіндірді. Кəсіподақ тарапынан төтенше жағдай кезінде уақытша жұмыссыз қалған азаматтарға да қолдау жасалып, үкімет тарапынан да алып жатқан қолдаулар түсіндірілді. 

Төтенше жағдай кезінде Ақтөбе ұстаздары назардан тыс қалмайды

вкл. .

Ақтөбе облысының кәсіподақтар орталығы мен Қазақстандық салалық білім және ғылым қызметкерлері кәсіптік одағының облыстық ұйымы, Ақтөбе жоғары политехникалық колледжінің 55 жылдық мерейтойымен ұстаздар қауымын құттықтай отырып, колледжінің бастауыш ұйымына мамандар даярлаудағы кәсіби шеберліктері мен ұзақ жылдарға жемісті еңбектері үшін кəсіподақ атанынан 300 мың теңге ақшалай сертификат табыстады.  Сонымен қатар 5 ұстазға денсаулықтарын арту үшін емдеу сауықтыру орындарына жолдама берді. 

Вахталық әдіспен жұмыс істейтін қызметкерлердің қауіпсіздігі Ақтөбе кәсіподақтарының толық бақылауында

вкл. .

Төтенше жағдай кезінде кәсіподақ мүшелерінің еңбек құқықтары мен еңбек қауіпсіздігі жағдайларның сақталуын қамтамасыз ету бірінші кезекте тұрған мәселе. 
Қазіргі таңда, «СНПС-Ақтөбемұнайгаз» АҚ өңірдің ең ірі мұнай компаниясының кәсіподақ ұйымы әлеуметтік әріптестік комиссиясының жұмысы аясында төтенше жағдай кезінде вахтадан ауыспай қалған кен орындарындағы жұмысшылардың, сонымен қатар вахтаға бара алмай қалған жұмысшылардың құқықтарын қорғауға, оларды еңбекақылырын Ұжымдық шарт талабына сәйкес дұрыс есептелуіне өздері ат салысып  жұмысшылардың пайдасына шешілуіне әсерін тигізді. 

БАСТАУЫШ КƏСІПОДАҚ ҰЙЫМЫ МҮШЕЛЕРІ БІРЛЕСУ МАҚСАТЫНДА ЖАҢА ƏН ЖАЗЫП, БЕЙНЕБАЯН ДАЙЫНДАДЫ.

вкл. .

Ақтөбедегі Ғазиза Жұбанова атындағы облыстық филармониясының əншілері жергілікті композитор Орал Байсеңгірдің сөзіне жаңа əн жазып, бейнебаян дайындады.

Əн ауызбірлік пен жауапкершілік, сабырлық нәтижесінде қиындықтарды бірлесіп жеңуге шақырады.

"Облыстық филармония əншілері түгелдей дерлік бастауыш кәсіподақ ұйымының мүшелері. Төрткүл дүниеге тараған індеттің алдын алу, оған тосқауыл болу жолында өнер адамдары да өз үлестерін қосуда" - дейді Ақтөбе облысы мәдениет, спорт және ақпарат қызметкерлерінің салалық кəсіподағының төрайымы Н.Табылдинова.

Жаңа əннің авторлары бастауыш кəсіподақ ұйымының мүшелері. Сөзін жазған танымал жергілікті сазгер О.Байсеңгір мен айтыс ақыны М.Ахметов. Əнін жазған əнші, сазгер Д.Айтжанов.