НОВОСТИ | ЖАҢАЛЫҚТАР

ЖАНАШЫР ЖАНДАРДЫҢ ИГІ ІСІ

вкл. .

Қазіргі таңда әлемді шарлаған (COVID-19) коронавирус инфекциясының алдын алу мақсатында медициналық бетперделердің жетіспеуіне байланысты Ақтөбе облысы Қобда аудандық білім қызметкерлері кәсіподағы ұйымының бастамасымен қолдау тауып, ауданның барлық мектептері мен балабақшаларында бетперделер тігу  жұмыстары жүргізілуде.

Елімізде орын алған төтенше жағдай кезеңінде бір жағадан бас,  бір жеңнен қол шығарып, елдің жанашыры ретінде әрбір  азамат сақтық шараларын қолданып, инфекциямен күресуге өз үлесін қосса, күрделі ахуалда қол ұшын созса елдегі орын алған қиындықты еңсеретініміз анық.

Еңбек адамының құқығы басты назарда.

вкл. .

 Еліміздегі төтенше жағдайға байланысты ҚР  Кәсіподақтар Федерациясы үндеу жариялап, онда  жұмысшылардың құқықтары бұзылған жағдайда хабарласу үшін кәсіподақтар орталықтарында сенім телефондарының үздіксіз жұмыс жасауын қамтамасыз ету жайы нақты жүктелген еді. Осыған байланысты Ақтөбе облысы кәсіподақтар орталығы жанынан өңірлік жедел штаб құрылып, сенім телефоны іске қосылған болатын.Осы жедел желіге Ақтөбе тұрғындарынан сауалдар келіп түсуде.
Олардың дені еңбек заңнамасының сақталуына қатысты. Мәселен ақтөбелік тұрғын жуырда жұмысқа орналасқанда онымен еңбек шарты жасалмағандығын айтты.
Тағы бірі төтенше жағдай кезінде жұмыс берушінің еңбек демалысына жібергенін, оның қаншалықты заңды екенін сұрады.Байланыс телефонына келіп түскен сауалдарға нақты жауап беріліп, оларды толғандырған мәселелер нақты оң шешімін тапты.

Кәсіподақ короновируспен тікелей күресіп жатқан медицина қызметкерлеріне қолдау білдірді.

вкл. .

 Ақтөбе қаласында үш стационарлық мекемеде облыстық жұқпалы аурулар ауруханасы мен карантинді госпиталь мен уақытша ауруханаға короновирустық инфекцияның таралуын болдырмау мақсатында күні-түні дамылсыз  жұмыс істеп жатқан медицина қызметкерлеріне азық-түлік пен жеке күтім гигиена құралдарымен қамтамасыз етті .

Сонымен қатар 132 жедел жәрдем қызметкеріне әрқайсысына 5 мың тенгеден барлығы 600 мыңнан астам тенге қаржы бөлді.   

   «SENIM» денсаулық сақтау саласының кәсіподағы осы қиын кезеңдегі медицина қызметкерлерінің ерекше жауапкершілік танытқан табандылықтарын бағалап, оларға қолдау танытады.Біз қиын кездерді бірлесіп жеңе аламыз,-дейді кәсіподақ жетекшілері.

Ақтөбеде кəсіподақ мүшелері короновирусқа қарсы шараларға үлес қосуда.

вкл. .

 Ақтөбе облыстық Тахауи Ахтанов атындағы облыстық драма театры мен Алақай қуыршақ театрының ұжымдары біз біргеміз республикалық шарасына өз қолдауларын танытуда.Екі театрда 210 нан астам бастауыш кəсіподақ ұйымының мүшелері бар. Оларға арнап өздерінің тігін цехтары  медициналық бетперделер тіпті. Көп қолдануға арналған бет перделерді алдымен өз қызметкерлерімізге және олардың отбасы мүшелеріне бердік.Театр ұжымдары дистационды жұмыс тəртібіне көшсе де шығармашылық ізденістерін  тоқтатпаған.Ақтөбе
 Осы қиын кездері біздер де өз қолдан келген көмегімізді жасап жатырмыз дейді алақай қуыршақ театрының бастауыш кəсіподағының төрайымы Гүлнар Бисенғалиева

Кəсіподақ мүшелері кітапхананың зейнеткер оқырмандарын тегін бетпердемен қамтуда.

вкл. .

Сағи Жиенбаев атындағы облыстық жасөспірімдер кітапханасының жанынан құрылған "Сырғалым" эстетикалық клубы  қыздарға кітап оқуды дәріптер қана қоймай тігін тігу, ас мәзірі, сән үлгісі, т.б өнер түрлеріне баулып келеді. Клуб жетекшісі кітапханашы Бибігүл Шәмеденова бұл жолы медициналық бетперде тігуге кірісті.   Елде жарияланған пандемия кезінде де арнайы шыт матасынан маска тігуде. Ал, кітапхана мамандары  оны кітапхананың қарт оқырмандарының үйіне тегін жеткізіп беруде.