НОВОСТИ | ЖАҢАЛЫҚТАР

ҰЛЫ ЖЕҢІСКЕ 75 ЖЫЛ.

вкл. .

Ақтөбеде "Сенім" кəсіподағы Ұлы Отан соғысының 45 ардагерін құттықтады.
Күнтізбеде ерекше мəнге ие осы мерекеде Отан үшін от кешкен ардагерлерімізге қандай құрмет көрсетсек те артық емес.Ақтөбеде денсаулық сақтау қызметкерлерінің салалық кəсіподағының жетекшісі Қайрат Сабыр əріптестерімен бірге ардагерлерге арнап қайырымдылық шарасын ұйымдастырып,оларға қажетті азық түлік қоржындарымен мерекелік сый ретінде ақшалай да марапаттады."Біз өзімізді осындай бейбіт өмірге жеткізген аталарымыз бен əкелеріміздің ерлігі алдында басымызды иеміз.Ұлы Отан соғысындағы Жеңіс туралы естелік жəне сіздердің ерліктеріңіз біз үшін мызғымас бағдар ,үлкен өнеге ,деп кəсіподақ мүшелері ардагерлерді құттықтап, сыйлықтар табыс етті.

Ақтөбе облысы Кәсіподақтар Орталығы Сатыбалды Даулеталинді Кәсіподақтар Федерациясының төрағасы болып сайлануымен шын жүректен құттықтайды

вкл. .

Бүгін Қазақстан Республикасы Кәсіподақтар Федерациясының Бас кеңесінің отырысы өтіп, Кәсіподақтар Федерациясының жаңа төрағасы сайланды.
Тәуелсіз Қазақстан кәсіподақтарының 28 жылдық тарихында тұңғыш рет ҚРКФ кәсіподақ ортасынан шыққан өкіл басшылық етеді. 
Сатыбалды Телағысұлы Даулеталин еңбек жолын өзіміздің Ақтөбе өңіріндегі ферроқорытпа зауытында токарь шәкірті болып бастап, бүгінгі күнге дейін Кәсіподақтар федерациясы төрағасының бірінші орынбасары қызметін атқарып келді.

ҰЛЫ ЖЕҢІСТІҢ 75 ЖЫЛДЫҒЫНА ОРАЙ ТЫЛ ЕҢБЕККЕРЛЕРІНЕ ҚҰРМЕТ

вкл. .

Ақтөбедегі іргелі жоғары оқу орнының кəсіподақ ұйымы тыл ардагерлерін құттықтап, үйлеріне барды. Қ.Жұбанов атындағы Ақтөбе мемлекеттік өңірлік университетінде ұзақ жылдар жемісті еңбек етіп, ұстаздардың ұстазы атанған, бүгінде жасы 90-ға таяған ардагер Ниетжан Беріковті құттықтады.
Балалық шағы соғыстың сұрапыл жылдарымен сай келіп, өмірдің тауқыметін ерте көріп, жастайынан еңбек етіп, білімге талпынып, кейін бар саналы ғұмырын мұғалімдікке арнаған танымал ұстаз өзін құттықтап келген кəсіподақ ұйымы мен университет басшылығына ризашылығын білдірді. Бұл ұрпақтар арасындағы сабақтастың жарқын көрінісі. Əрқашан еліміз аман болсын деп ақ тілегін жолдады.

ҚАЙЫРЫМДЫЛЫҚ – ІЗГІЛІК БАСТАУЫ

вкл. .

«Елімізде COVID-19 індетіне қарсы Мемлекет басшысының тапсырмасымен Үкімет көптеген игі бастамаларды іске асырып, ауқымды шаралар атқарып жатыр. Біз, білім саласы кəсіподағы да, осындай қиын кезде қол қусырып отырмай, көмекке мұқтаж отбасыларға қолдау көрсетуді ұйғардық. Алда да бұл сауабы мол игі істер жаласын табады», - деді кəсіподақ ұйымының жетекшісі.
Ақтөбе облысы Алға ауданының бастауыш кəсіподақ мүшелері республикалық «Біз біргеміз» шарасы аясында 40 отбасыға көмек берді.
Бұл игі шара қасиетті Рамазан айында жалғасын тауып отыр. Алғалықтар көп балалы жəне аз қамтылған отбасылар мен ең төмен жалақы алатын, табысы аз тұрғындармен қатар, бала күтімімен үйде отырған аналарға да мейлінше көмек көрсетуді ұйғарды. Кəсіподақ өкілдері оларға қажетті  азық-түлік қоржындарын үлестірді.

ҚАШЫҚТЫҚТАН ОҚЫТУ – УАҚЫТ ТАЛАБЫ

вкл. .

Бүкіл əлемді шарпыған індет құрсауына іліккен еліміздің білім беру жүйесі алғаш рет қашықтықтан оқыту режиміне көшті. Осы жауапты міндетті абыроймен атқаруда ұстазардарың ролі ерекше. Президентіміз Қасым-Жомарт Тоқаевтың 21-сәуірдегі Қазақстан халқына арнаған Үндеуінде денсаулық  сақтау мен  білім беру саласында үлкен өзгерістер күтіп тұрғаны айтылды. Біз осы қашықтықтан оқытуда өзінің кәсіби шеберліктері мен тәжірибелерін шыңдай білген мұғалімдердің еңбегін ерекше атап өтеміз. Осы орайда «Мамандыққа адалдық» айдарында Ақтөбе облысы Мұғалжар ауданы Қандыағаш қаласындағы №3 мектеп-гимназиясының қазақ тілі мен əдебиеті пəні мұғалімі Айна Ідірісова туралы ой бөліскенді жөн көрдік.